Nú er ég s.s. hættur með þessa síðu og kominn með nýja á 123.is. Ég er búinn að henda inn helling af myndum, bæði nýjum og "gömlum". Endilega kíkið og commentið. Þakka innilega fyrir samskipti mín á þessari síðu og kveð héðan með söknuði.

www.123.is/vedds

Kv. Viddi

Er að spá í að færa mig yfir á 123.is og er með síðu í vinnslu.   Setti m.a. inn 5 myndaalbúm svona til að prófa, endilega kíkið og commentið.

 www.123.is/vedds

Kv. Viddi

Á laugardaginn hélt ég upp á 30 ára afmælið mitt. Kl. 16.00 komu afar og ömmur og krakkar o.fl. og fengu sér kaffi og áttu góðar stundir saman en um kvöldið var margt um manninn og partí fram eftir nóttu. Held ég hreint að allir hafi skemmt sér mjög vel í bara góðu yfirlæti. Yfir 60 manns skrifuðu nafn sitt í gestabókina þannig að e-r hafa séð sér fært að mæta. Ég vil nota tækifærið og þakka innilega góðar gjafir og kveðjur. Þetta var ánægjulegt og eftirminnilegt.

Svo styttist í að hinn helmingurinn haldi upp á 30 árin sín en ákveðið er að halda veisluna 12. maí þ.e. evróvision og kosningapartí, ekkert minna en það. Heyrst hefur að strax í dag hafi vinir pantað flugfar austur til að tryggja sér sæti.

Svo vil ég ekki síst þakka Einari Ás fyrir skemmtilegan gítar- og söngleik á laugardagskvöldið.

Kv. Viddi

Í dag eru 30 ár síðan ég fæddist á Landspítalanum í Reykjavík. Sumir hafa haldið því fram að þetta hafi verið mikill sorgardagur en ég er ekki á því Á morgun höldum við veislu hér í Gilsholtinu og heilmikið húllumhæ framundan.

Kv. Viddih

Í gær spiluðu stelpurnar í m.fl. æfingaleik við Hött/Fjarðabyggð í höllinni. Um 20 stelpur voru mættar í leikinn sem er frábært miðað við þá mætingu sem var undir það síðasta fyrir páska. Arna Rut  og Telma Ýr spiluðu með okkur en þær eru tvær af sterkustu leikmönnum sem Leiknir hefur getið af sér í gegnum árin. Einnig mætti Bergdís Ýr í leikinn og sýndi gamalkunna takta og ætlar jafnvel að taka fram skóna að nýju. Eins er Ásta Kristín ákveðin í að vera með okkur í sumar sem styrkur okkur umtalsvert.

Byrjunarliðið var þannig að í markinu var Agnes. Í vörninni voru Sigdís, Ásta Kristín, Guðbjörg Rós og Freyja. Á miðjunni voru Ingiborg, Sigurveig og Telma og á köntunum Una og Tanja. Arna Rut var ein á toppnum. Á bekknum voru Bergdís, Arna, Unnur, Svanhvít, Karín, Inga, Jórunn, Birna, Selma og Margrét og komu þær allar við sögu í leiknum nema Jórunn sem sjálf vildi ekki fara inná. Stelpurnar stóðu sig allar mjög vel og frábært fyrir þær að fá að spila alvöru leiki svo snemma við frábærar aðsæður. Er ekki alveg viss hvernig leikurinn endaði en held að Höttur/Fjarðabyggð hafi unnið 6-5 eða 7-5. Skiptir kannski ekki öllu en skemmtilegur og fjörugur leikur.

Nú rétt í þessu vorum við fegðar að ákveða að skella okkur til Ívars til Reading og sjá leik Reading og Newcastle. Ekki leiðinlegt það og er áætluð brottför 27. apríl og heimkoma aftur 1. maí.

Annars er framundan hjá mér að halda upp á merkan áfanga um helgina þegar drengurinn sá nær þrítugu. Ljóst að tíminn líður hratt á gervihnattaöld.

Kv. Viddi

Já hann Kristófer Páll er 10 ára í dag sem er merkur áfangi ekki síst fyrir þær sakir að nú eru um 10 ár síðan hann var skírður og ég útskrifaðist úr ME. Innilega til hamingju með daginn Kristófer!!!!

Í dag fermist systir mín í Kirkjubæjarkirkju og veisla á eftir í Brúarásskóla. Við erum rétt í þessu að koma okkur af stað og verða vitni af þessu öllu.

Í gær fór ég í fimm fermingarveislur hér á stað og vil ég nota tækifærið og óska öllum fermingarbörnum í mínum umsjónarbekk innilega til hamingju með áfangann. Nú eru þau aldeilis orðin fullorðin og agavandamálin úr sögunni

Kv. Viddi

Það liggur við en það þýðir ekkert að væla. Var s.s. að keppa áðan við KFF í höllinni og endaði sá leikur með 11-0. Ég hef aldrei lent í öðru eins og erfitt að rífa sig upp úr svona niðurlægingu.

Hvað um það. Nú eru páskarnir óðfluga að nálgast og allir komnir í páskaskap. Á morgun fer ég í fermingarveislu til frænda míns á Egilsstöðum. Sá heitir Jón Otti og sonur Gutta en Gutti og pabbi eru bræður. Það verður eflaust fjör. Á laugardaginn taka svo við þó nokkrar veislur hér á stað og á sunnudaginn liggur leiðin í veislu hjá systur minni, henni Malen.

Úff ætli maður sofni í kvöld...

Kv. Viddi

Ker- og málmdeild? Veit ekki hvort hún er til. En hvað um það, var bara aðeins að reyna að koma með smá apríl reyndar smá gallaður þar sem enginn þurfti að hlaupa til eða frá. Ég plataði Hafdísi skemmtilega í gær þegar hún var í vinnunni. Ég sagði henni að Sæþór væri á leiðinni til hennar í heimsókn og bað hana að líta eftir honum. Ég horfði út um gluggann og sá hana úti fyrir framan hjúkrunarheimilið að horfa eftir drengnum. Svo fór hún inn í smá stund og kom aftur út að kíkja, þá hringdi ég og spurði hana hvaða mánaðardagur væri í dag.

Í gærkveldi spiluðum við í m.fl.kk. æfingaleik gegn Hetti. Þetta var frekar rólegur leikur en Hattarmenn mun sterkari aðilinn og endaði leikurinn með 3-1 sigri þeirra. Á miðvikudaginn er alvöru leikur gegn Fjarðabyggð í höllinni og skora ég á Búðinga að fjölmenna á þann leik og láta í sér heyra.

Við unnum Magna um daginn 3-1 en því miður gleymdist að skipta einum af ungu strákunum yfir í Leikni og þar með tapast sá leikur 3-0. Ekki gott en samt betra að þetta komi fyrir í þessari keppni en Íslandsmótinu.

Kv. Viddi

Undanfarna daga hef ég verið að hugsa mér til hreyfings á vinnumarkaðnum og prófaði að sækja um í álverinu. Ég var að fá svar um að ég verði í framleiðsluteymi í ker- og málmdeildinni, ef ég slæ til. Ef ég læt af þessu verða byrja ég 1. ágúst og verður að teljast nokkuð líklegt að maður slái til þótt leiðinlegt sé að hætta í starfinu sem ég gegni nú. Tímarnir breytast og mennirnir með og tími breytinga runninn upp.

En að öðrum hlutum. Í dag fer ég í fermingarveislu í héraðið og í kvöld spilum við m.fl.kk. æfingaleik við Hött í höllinni. Í staðinn verður æfingin hjá m.fl.kvk. á sparkvellinum hér á Fáskrúðsfirði kl.17.00.

Kv. Viddi

Þá er maður kominn í páskafrí, ekki amarlegt það Það er bara spurning hvað maður á að gera um páskana og þá frídaga þar um kring.

1. Fara í fermingarveislur, held u.þ.b. 8 veislur, fínt þá þarf ég ekkert að eyða í mat þennan mánuðinn

2. Æfa á fullu, kannski eins gott þegar maður etur og etur

3. Eyða dýrmætum tíma með fjölskyldunni

4. Þjálfa og þjálfa stelpurnar í m.fl.

5. Skella sér einn góðan veðurdag á skíði

Hvað ætlar þú að gera um páskana??

Kv. Viddi

Í dag var skíðaferð í gf og skilst mér að ferðin hafi heppnast vel og veðrið leikið við hvern sinn fingur og jafnvel fleira. Ég ætlaði með í ferðina en fékk að vinna heima þar sem ég klúðraði fréttabréfinu sem við í útgáfuhópnum höfðum verið að vinna að. Fréttabréfið var nánast tilbúið en svo þegar ég ætlaði að opna skjalið var það ónýtt. Þannig að í dag vann ég að því að koma því aftur saman frá grunni.

Í gær var æfing hjá stelpunum og var met mæting í langan tíma en 13 stúlkur voru mættar hressar og kátar.

Eins og er er ég að horfa á landsleik Spánverja og Íslendinga og seinni hálfleikur rétt byrjaður. Spánverjar hafa verið mjög hættulegir en við höngum en á núllinu en vonandi verður það þannig sem lengst. Svo fáum við bara eina skyndisókn og vinnum 1-0.

Kv. Viddi

Ég hef verið að fylgjast með Goðamótinu um helgina í gegnum netið og í traustu símasambandi að norðan og ekki hægt að segja annað en strákarnir hafa staðið sig með prýði. E-liðið vann tvo leiki og tapaði einu og eru komnir í undanúrslit og mæta þar Breiðabliki. Frábært hjá þeim. A-liðið gerði mjög góða hluti og voru grátlega nálægt því að gera rósir. Fyrsti leikur þeirra var gegn Völsungi og höfðum við 2-0 forystu í hálfleik en því miður misstum við þetta niður í 2-2 jafntefli. Næsti leikur var við Val Reykjavík og leiddu mínir menn 1-0 í hálfleik en því miður misstu þeir það niður og töpuðu 2-1. Næst var leikið við KR og þar klikkaði eitthvað því þeim leik töpuðu þeir 7-1. Svo var leikur gegn KA, í þeim leik dugði þeim jafntefli til að ná 3 sæti riðilsins og leika þar með 5-7 sæti. Völsungur hafði lokið sínum leikjum og gert tvö jafntefli og þar með 2 stig. KA hafði gert eitt jafntefli og þar með 1 stig. Við vorum með 1 stig en með betri markatölu en KA og Völsungur. Haldiði ekki að staðan hafi verið 1-1 þar til á síðustu mínútunni en þá skorðuðu KA sigurmarkið. Frekar svekkjandi en ljóst að þessir drengir eru gera flotta hluti gegn þeim bestu. Þeir spila s.s. um 9. sætið á morgun gegn Hetti sem hafa tapað öllum sínum leikjum stórt. Valur og KR unnu undanúrslitaleikina sína og spila til úrslita. Flott hjá drengjunum.

Ég er s.s. búinn að vera einn heima með yngri guttana og það hefur bara verið stemmning hjá okkur. Fórum í íþróttahúsið í morgun og svo keyptum við okkur smá nammi og smjöttuðum á því frameftir degi. Sæþór er reyndar búinn að vera í nánast allan dag með Sverri og Viktori í hesthúsinu o.fl. Svo áðan var æfing hjá stelpunum og 9 stelpur mættu á æfinguna sem er framför. Sumar mættu ekki og hef ég ekki heyrt frá þeim enn það er bara eins og það er.

Á morgun eru við í Leikni að spila við Magna í Boganum Akureyri. Ég fer reynar ekki með þar sem ég fékk aftan í lærið. Eftir læknisskoðun kom í ljós að líklega væru taugar klemmdar og þarf ég að hvíla í a.m.k. viku og notaði læknirinn tækifærið og sprautaði mig í öxlina vegna eymsla sem ég hef haft þar síðan á firmamóti Leiknis milli jóla og nýárs.

Svo hvet ég bara stelpurnar til að mæta á æfinguna á morgun kl.20.00 í höllinni. Mæting við iþróttahúsið kl.19.30. Muna bara að sofa vel frameftir þannig að þreyta komi ekki í veg fyrir iðkun knattspyrnunnar.

Kv. Viddi

Frumvarp um að sala á bjór og léttvíni verði gerð lögleg í verslunum var drepið í fæðingu við lok þingsins um daginn. Málþófhótun var ástæðan og ekkert varð úr. Ég er algerlega fylgjandi því að færa þetta í verslanir enda maður þess að treysta fólki til að taka sjálfstæðar ákvarðanir. Fyrir mér er þetta ekkert annað en sjálfsagður hlutur og sé ekki hættumerkin sem margir sjá.

Kv. Viddi

Í gær var ekkert sérstakt veður hér á stað og mjög hvasst. Hviðurnar voru mjög snarpar og fékk húsið að kenna á því því grjótinu rigndi hreinlega yfir það. Þetta virtist samst sleppa ótrúlega vel því aðeins einn gluggi brotnaði en þó ekki nema ytra glerið sem betur fer. Það virtust fleiri en við finna fyrir þessu því nokkrir bílar skemmdust talsvert og þar á meðal brotnaði glugginn í hurðinni í gröfunni hjá Sverri og Palla. Á stundum stóð manni nú ekki alveg á sama því krafturinn í sumum hviðunum var ofsalegur og hef ég aldrei kynnst öðru eins. Svaðalegt

Við ætluðum að hafa æfingu hjá stelpunum á Reyðarfirði en ákváðum að hafa hana hér í íþróttahúsinu og mættu heilar 6 stelpur! Frábær mæting eða þannig.....

Kv. Viddi

Í gær spiluðum við gegn Hetti í deildarbikarnum í Fjarðabyggðarhöllinni og endaði leikurinn með sigri okkar 2-1. Þetta var ótrúlegur leikur fyrir marga hluta sakir.

- Tveir drengir úr 3.fl.kk voru í byrjunarliðinu og einn kom inn sem varamaður.

-  Adnan var rekinn af velli í fyrri hálfleik fyrir kjaftbrúk.

- Við vorum einum færri en þrátt fyrir það náðum við að jafna og skora sigurmarkið andartaki áður en dómarinn flautaði leikinn af.

Ég var svo gjörsamlega búinn eftir leikinn að ég hef aldrei vitað annað eins. En hvað um það, frábær sigur í fyrsta alvöru leik tímabilsins staðreynd. Næsti leikur er gegn Magna í Boganum Akureyri sunnudaginn eftir viku og vonandi náum við að fylgja eftir góðum árangri gegn Hetti.

Íha

Viddi